Hekouky

Hekouky Admin

16 فبراير 2022

أهمية تسجيل العلامة التجارية للشركات الناشئة

لو أنت مالك شركة ناشئة وبتقدم خدمات أو منتجات، هتكون محتاج يكون عندك علامة تجارية (لوجو) عشان يكون المنتج مميز في السوق.

Hekouky

Hekouky Admin

16 فبراير 2022

و عشان تقدر تحمي علامتك التجارية من التقليد أو الاستغلال، هتكون محتاج أنها تكون مُسجلة.

ولكن يعني ايه علامة تجارية وازاي تقدر تحميها؟ وليه لازم تقوم بتسجيلها؟ وايه الاختلاف بين العلامة التجارية والاسم التجاري؟ وايه مدة الحماية القانونية للعلامة التجارية؟

يعني ايه علامة تجارية وازاي تقدر تحميها؟

العلامة التجارية هي لوجو شركتك و عشان تمارس نشاطك بشكل أفضل، لازم تختار علامة تجارية مميزة ومبتكرة عشان تقدر تسجلها.

ايه الفرق بين الاسم التجاري والعلامة التجارية؟

الاسم التجاري هو الاسم المسجل في السجل التجاري ( إسم شركتك على الأوراق الرسمية )، والاسم ده ممكن استخدامه في العقود، الضرائب، والأنشطة الأخرى. و ممكن اسم شركتك اللي بيكون على الأوراق الرسمية ولوجو شركتك أو البراند بتاعك يكونوا مختلفين.

اية مدة الحماية القانونية للعلامة التجارية؟

التسجيل بيوفر للعلامة التجارية الحماية القانونية لمدة عشر سنوات، ولكن بعد انتهاء مدة العشر سنوات يكون لمالك العلامة 6 شهور مهلة لتقديم طلب تجديد الحماية القانونية.

ازاي ممكن تستفيد من تسجيل العلامة التجارية؟

بعد التسجيل بتكون أنت مالك العلامة وممكن تستخدمها بدون أي مشاكل قانونية، وممكن كمان بعد كدا تدي تصريح أو إذن للغير (شخص أو شركة) أنه يستخدم العلامة التجارية لو أنت محتاج ده.