لو أنت بتمارس نشاط معين لوحدك حتى لو كان عمل حر أو أون لاين هتكون محتاج تبدأ مشروعك كشركة مسجلة في مصر، مهم جداً لأن ده القانون عشان تقدر تحمي نفسك من أي مشكلة قانونية.

ومع ذلك ايه ممكن تعمله لو كنت لوحدك أو لو مكنش عندك شركاء ؛ هل ممكن تدير عمل لوحدك؟ الاجابة هى نعم.

القانون المصري وفر لنا نوعين من الشركات لشخص واحد: المنشأة الفردية وشركة الشخص الواحد.

ازاي النوعين دول مختلفين عن بعض؟

وأي الأفضل لمشروعك؟

عشان تقدر تتخذ القرار الأفضل ليك وفرنالك كل التفاصيل عن كل نوع من الشركات الفردية. اتخذ قرارك بناء على الآتي: المسؤولية - قيمة رأس المال - امكانية اختيار اسم شركتك. وكمان فى الاخر هتلاقى نصيحة حقوقي القانونية ليك.

	شركة الشخص الواحد	المنشأة الفردية
مسؤولية المؤسس	مسؤولية محدودة حتى لو الشركة مقدرتش تدفع ديونها المسؤولية مش ب تمتد للمال الخاص للمالك. وده يعني أنه مالك الخاص مش هُيستخدم لدفع الديون.	على عكس نظيرتها المنشأة الفردية ممكن المسؤولية تمتد ل مال التاجر الفرد المؤسس.
رأس المال	مينفعش يكون أقل من 50 ألف جنيه مصري. المبلغ ده كمان بيحتاج أنه يتم إيداعه في حساب بنكي لبعض الأيام لحد ما يتم الانتهاء من إجراءات التسجيل.	المؤسس هو اللي بيختار رأس المال بشكل مبدئي.
اسم الشركة	جزء من الاسم المختار لازم يكون من أغراض الشركة أو من اسم مؤسسها. مثلاً: أحمد خيري للتطوير العقاري. اجزي للسيارات.	اسم المؤسس لازم يكون جزء من اسم المنشأة. مثلاً: أحمد خيري وشركاه.

نصيحة حقوقي:

مفيش نوع شركة واحد تناسب الجميع؛ نوع الشركة اللي تحتاجه عشان تبدأ يعتمد على احتياجات عملك ومع ذلك فيه بعض الأسئلة لازم تسألها لنفسك عشان تبدأ:

هل بتخطط أن يكون عندك شركاء؟

لو نعم يبقى شركة الشخص الواحد هى المناسبة لاحتياجاتك لأنها ممكن تتحول لشركة ذات مسؤولية محدودة بسهولة (وتضيف معاك شركاؤك الجدد).

هل معاك مبلغ رأس مال في الوقت الحالي لإيداع مبلغ 50 ألف جنيه مصري؟

ازاي ممكن تخطط ل شركتك كمان خمس سنين؟ شكلها وهيكلها القانوني هيكون ازاي؟

تواصل مع حقوقي لتسجيل شركتك بسرعة وبكل سهولة.