Hekouky

Hekouky Admin

Feb 16, 2022

لرواد الأعمال في مجال التكنولوجيا: ايه أحسن نوع لتسجيل شركتي؟

أنت كرائد أعمال من المهم جداً أنك تحدد النوع المناسب لشركتك عشان تحسن وضعك القانوني وتبدأ شركتك.

Hekouky

Hekouky Admin

Feb 16, 2022

أنت كرائد أعمال من المهم جداً أنك تحدد النوع المناسب لشركتك عشان تحسن وضعك القانوني وتبدأ شركتك. واتخاذ قرار نوع شركتك ده بيكون بناءً على معايير معينة زي: عدد الشركاء اللي انت محتاجهم ، قيمة رأس المال بشكل مبدئي, والنشاط المطلوب ممارسته.

من خلال إجابات الأسئلة اللي فوق حقوقي تقدر تختار ليك النوع المناسب لتسجيل مشروعك. ومع ذلك في حالة رواد الأعمال في مجال التكنولوجيا, هما عادة بيختاروا نوع من اتنين: شركة الشخص الواحد أو الشركات ذات المسؤولية المحدودة.

و هنا نقدم لك كل التفاصيل اللي بتخلي رواد الأعمال تقدر تختار الاختيار ده عشان تقدر تحدد اذا كانت الانواع دي مناسبة لشركتك أو لا. هنقوم بتوضيح إجاباتها من خلال الاقسام دي: المسؤولية المحدودة - مرونة رأس المال - امكانية اختيار اسم شركتك.

ايه مدى مسؤولية الشركاء في شركتك؟

كلاً من الشركات ذات المسؤولية المحدودة شركة الشخص الواحد محدودة المسؤولية. وده يعني أنه لو الشركة مقدرتش تسدد ديونها، المسؤولية مش ب تمتد للمال الخاص للمؤسس. وده يعني أنه مسؤوليتهم صغيرة الى حد ما ويكونوا قادرين يحموا أموالهم.

كام عدد الشركاء اللازم لتسجيل مشروعك؟

شركة الشخص الواحد يتم تأسيسها من شخص واحد أو مالك واحد، أما الشركات ذات المسؤولية المحدودة من 2 إلى 50 شريك لكن مش أكتر من كدا.

ايه رأس المال اللازم لتسجيل شركتك؟

بالنسبة لشركة الشخص الواحد رأس المال بشكل مبدئي مينفعش يقل عن 50 ألف جنيه وكمان لازم يتم إيداع المال في حساب بنكي على سبيل الأمانة لحد ما يتم إجراءات التأسيس. وبالنسبة للشركات ذات المسؤولية المحدودة رأسمالها بشكل مبدئي قليل الى حد ما. بالاضافة الى انه مفيش اشتراط إيداع رأس المال في حساب بنكي.

ازاي ممكن تختار اسم شركتك؟

بالنسبة لشركة الشخص الواحد، جزء من اسمها لازم يكون من غرض الشركة أو من اسم مؤسسها. والشركات ذات المسؤولية المحدودة، جزء من اسم الشركة لازم يكون من غرضها بردو.
اسم الشركة ممكن يكون مثلاً: زيجزاجوا لتصليح السيارات، ومينفعش مثلاً يكون: زيجزاجوا.