القانون حدد لكل نوع شركة حد أدنى ضروري بشكل مبدئي، وفي أنوع شركات زي الشركات ذات المسؤولية المحدودة الحد الأدنى ل رأس مالها قليل جداً ومع ذلك في بعض الأنشطة الحد الأدنى لرأس مالها بيكون أعلى من غيرها مثلاً زي شركات الاستيراد والتصدير بيكون الحد الأدنى لرأس المال 2 مليون جنيه.

ازاى تحدد رأس المال المناسب بشكل مبدئي لشركتك؟

كل ما تزود من قيمة رأس المال يترتب عليه زيادة رسوم التأسيس في الهيئة (GAFI)، عشان كده مهم جداً تحافظ على أن رأس مالك يكون قليل، ومع ذلك بعض الشركاء اللي بتتعامل معاهم أو لبعض الشركات ممكن يكونوا محتاجين اضافة رأس مال أعلى بشكل مبدئي، و من المهم أنك تسأل الشركاء أو المستثمرين لو هما محتاجين قيمة رأس مال معينة في البداية.

نصيحة حقوقي القانونية:

لو مفيش أي متطلبات اضافية أو خارجية شركة حقوقي دايماً بتنصح رواد الأعمال لتأسيس الشركات ذات المسؤولية المحدودة بقيمة رأس مال 18 ألف جنيه، تم اختيار المبلغ ده لأنه بيوفر رسوم تأسيس أقل بالاضافة الى أنه ممكن الرقم ده بيوفر لشركتك الجدية اللازمة.