ازاي اختار اسم شركتي؟ – شهادة عدم الالتباس

ازاي اختار اسم شركتي؟ – شهادة عدم الالتباس

  • انت كصاحب مشروع بيكون مسموح لك تختار اي اسم مناسب لشركتك وفقاً للقانون، لكن بيكون في حدود لده في بعض أنواع الشركات، عشان ميكونش في تكرار لنفس الاسم بين شركتين مثلاً زي أنواع الشركات دي: شركات المساهمة، التوصية بالأسهم، المسؤولية المحدودة وشركة الشخص الواحد.

 

  • للسبب ده لازم يتم اصدار شهادة عدم التباس الاسم التجاري قبل التأسيس، عشان تعرف تستخدم اسم معين لشركتك.
    كمان اصدار شهادة عدم الالتباس عشان تتجنب التكرار ويكون اسم شركتك مميز عشان تحمي شركتك والشركات الثانية. 

 

  • المحامي بتاعك هيكون محتاج يقدم على إصدار شهادة عدم التباس الاسم التجاري لتسجيل شركتك وهي موضوعنا انهارده.

  • فيه بعض الأسئلة اللي هنجاوب عليها: ازاي تتأكد من أن اسم شركتك مش مستخدم قبل كدا؟ يعني ايه شهادة عدم الالتباس؟ ازاي المحامي بتاعك يقدم عليها؟ اية مدة صلاحية الشهادة؟ 

 

  • ايه المقصود ب شهادة عدم الالتباس ؟

شهادة عدم الالتباس يتم إصدارها من الهيئة العامة للاستثمار علشان تبين عدم وجود تشابه في اسم شركتك مع اسم شركة تانية تم تسجيلها قبل كده وده بيكون حماية لاسم الشركتين.

 

  • إزاي تقدم على شهادة عدم الالتباس ؟

محاميك يقدر يقدم على شهادة عدم الالتباس من خلال الهيئة العامة للاستثمار (GAFI) والمناطق الحرة المصرية. ومحامين حقوقي ممكن يقوموا بده. 

 

  • اصدار الشهادة بياخد وقت قد ايه ؟

اصدار الشهادة بياخد 30 دقيقة فقط. 

 

  • هل شهادة عدم الالتباس بيكون لها مدة صلاحية؟

نعم بيكون ليها مدة صلاحية  متزيدش عن 15 يوم وبتكون المدة دي لحجز الاسم ومنع استخدامه من أي رائد أعمال تاني.

  • ايه أنواع الشركات التي تحتاج شهادة عدم الالتباس؟ هل هتبدأ واحدة من الشركات دي؟

شهادة عدم الالتباس خاصة بشركات معينة زي: ( شركات التوصية بالأسهم وشركات المساهمة والشركات ذات المسؤولية المحدودة) وشركات الشخص الواحد المحدودة المسؤولية. 

 

  • تختار كام اسم لشركتك عشان تقدمهم للهيئة ؟

من المهم تقدم ل محاميك 5 بدائل لاسم شركتك بترتيب الأفضلية بالنسبة لك وده علشان تقدر الهيئة تختار الاسم المناسب لشركتك و مايكنش متكرر قبل كده.